A ANPA Brigantium, do CEIP Vales Villamarín, ofrece unha charla formativa para pais que se desenvolverá baixo o título “Son realmente vos videoxogos perxudiciais para vos nenos? “. O encargado de ofrecer información e detalles sobre esta cuestión será Santiago Lamelo, informático e redactor de revistas do sector, ademais de membro da xunta directiva da Federación de ANPAS de Centros Públicos da Coruña.
O relator trasladarase hoxe ao salón de actos do colexio ás seis e media da tarde. Neste lugar ofrecerá unha conferencia dende un punto de vista positivo e afastado de sensacionalismos.Está previsto que a súa disertación inclúa as posibilidades dos videoxogos como forma de ocio e como unha ferramenta facilitadora da expresión artística. Así, analizará os distintos tipos de xogos e plataformas e ofrecerá unha serie de consellos.
