Celtas Cortos ofrecerá un dos concertos estelares das celebracións patronais de San Roque 2012. O grupo vallisoletano presentará ao público betanceiro ”Vivos & Directos”, o disco co que festexan os seus 25 anos “coa verdade e a honestidade por bandeira”. A actuación, que será un dos pratos fortes do programa deste ano, está prevista para o 14 de agosto, e así recólleo a web oficial dos Celtas Cortos. O disco e a xira repasan os temas máis emblemáticos da banda castelá.
